စစ်တပ်ဖိနှိပ်မှုနှင့် ကရင်နီပြည်နယ်ရှိ ခုခံတော်လှန်ရေးအဖွဲ့များ
ယခု ကရင်နီပြည်နယ်ဟုခေါ်သည့် ကယားပြည်နယ်သည် ခုခံတော်လှန်ရေး လှုပ်ရှားမှုအများဆုံးဒေသတခုဖြစ်ပြီး တိမ်းရှောင်လာသည့် တော်လှန်ရေးသမားများည်း တဖြည်းဖြည်းပိုများလာပါသည်။ ကရင်နီပြည်နယ်သည် ရှည်လျားသည့်တော်လှန်ရေးသမိုင်းရှိပြီး လူမျိုးစုလက်နက်ကိုင်တပ်ဖွဲ့ကြီး ၂ ဖွဲ့ရှိသောကြောင့် ကရင်နီအမျိုးသားကာကွယ်ရေးတပ်ဖွဲ့ (ကေအင်န်ဒီအက်ဖ်) ကဲ့သို့သော လူငယ်တော်လှန်ရေးသမားအဖွဲ့များ သင်တန်းဆင်းခိုလှုံရာနေရာနှင့် ပြည်နယ်ကိုထိန်းချုပ်နိုင်ရေး စစ်တပ်နှင့် တိုက်ပွဲဖော်ဆောင်ရာ ဒေသဖြစ်သောကြောင့် ထင်ရှားသည့်တော်လှန်ရေး ဒေသတခုလည်း ဖြစ်ပါသည်။ ကေအင်န်ဒီအက်ဖ်အဖွဲ့သည် ကရင်နီပြည်နယ်နဲ့ ရှမ်းပြည်နယ်တောင်ပိုင်းမှ ပီဒီအက်ဖ်တပ်ဖွဲ့များနှင့် အခြားသောအဖွဲ့ငယ်များ ပေါင်းစပ်ဖွဲ့စည်းထားသော အဖွဲ့ဖြစ်ပါသည်။ ကေအင်န်ဒီအက်ဖ်သည် လက်နက်ကိုင်တပ်ဖွဲ့များအား ဖယ်ဒရယ်စနစ်နဲ့အညီ ဒီမိုကရေစီထိန်းချုပ်မှုအောက် ရှိစေရန်အတွက် ကာကွယ်ရေးဝန်ကြီးဌာန(အမျိုးသားညီညွတ်ရေးအစိုးရ)မှ ထုတ်ပြန်ထားသည့် ကာကွယ်ရေးမူဝါဒ (၇) ချက်ကို လိုက်နာသည့်အဖွဲ့လည်း ဖြစ်ပါသည်။
